1-4 шілде аралығында Кардиология және ішкі аурулар ҒЗИ-да ел өңірлерінің эндокринолог дәрігерлеріне арналған алғаш рет Помпалық инсулин терапиясында қант диабетімен ауыратын жүкті әйелдерді бақылау қағидалары мен ұстанымдары бойынша семинары өтті.
Ұйымдастырушылар: КІАҒЗИ және ҚР Диабет қауымдастығы. Іс-шараны өткізудің мақсаты: гликемиялық бақылауды оңтайландыруға, акушерлік және перинаталдық тәуекелдерді төмендетуге баса назар аудара отырып, 1 және 2 типті қант диабеті бар әйелдерде жүктілік кезінде помпалық инсулин терапиясын қолдану мәселелері бойынша дәрігерлердің біліктілігін арттыру.
Оқыту барысында дәрігерлер физиологиялық босану, кесарь тілігі және босанғаннан кейінгі кезеңде қант диабетімен ауыратын науқастарға инсулин терапиясын қолдану мәселелерімен танысты, помпалық инсулин терапиясында жүкті әйелдерді бақылаудың клиникалық сценарийлерін талдады. «Инсулиндік помпа және технологиялар: теориялық негіздері мен практикалық дағдылары, «Жүктілік және қант диабеті: клиникалық ерекшеліктері, қауіптері және жүргізу» тақырыптары талқыланды.
Институттың эндокринология кафедрасының доценті, MD, PhD Балнұр Сұлтанова стандартты терапия көмектеспейтін 1 және 2 типті қант диабеті бар науқастарға инсулин терапиясын қандай көрсеткіштер бойынша тағайындау керектігін, инсулин помпасын қолданудың артықшылықтарын егжей-тегжейлі айтып берді, помпаны орнату, дозаларды есептеу және т.б. бойынша ұсыныстар берді.
Спикер қант диабетімен ауыратын науқастарда жүктілік кезінде қандай акушерлік асқынулар болуы мүмкін екенін, инсулин сорғысының параметрлерін әртүрлі триместрлерге қалай бейімдеу керектігін, жүкті әйелдердегі гликемия деңгейін қалай бақылау керектігін және т.б. түсіндірді.
Қант диабеті бар науқастарды емдеу нәтижелерін жақсарту үшін эндокринологтар мен акушер-гинекологтардың бірлескен жұмысы қажет екендігі ерекше атап өтілді.
Сондай-ақ шеберлік класына қатысушылар алдында КІАҒЗИ эндокринология кафедрасының меңгерушісі, ҚР Денсаулық сақтау министрлігінің бас эндокринологы Лаура Даньярова және ҚР Қант диабеті қауымдастығының президенті, С.Асфендияров ат. Қазақ ұлттық медицина университетінің эндокринология кафедрасының қауымдастырылған профессоры Баян Жұманова сөз сөйледі.
Қатысушылар институт пен ҚР ДҚ басшылығына осындай пайдалы әрі мазмұнды шараны ұйымдастырып, өткізгені үшін алғыстарын білдірді.