Кардиология және ішкі аурулар ҒЗИ дәрігерлері жүректің ишемиялық ауруының барысы стандартты емес шешімдерді іздеуді қажет ететін пациенттермен жиі кездеседі. Осындай жағдайлардың бірі — ауыр бағаналы және үш тамырлы коронарлық артериялардың зақымдануы және қанмен қамтамасыз етудің сол түрі сырқатымен 61 жастағы науқастың тарихы.
Науқастың айтуынша, соңғы жылдары ол төссүйегі жағындағы ауырсыну және күш салу кезінде ентігуі мазалайды. Қан қысымы 170/90 мм сын.бағ. дейін көтеріліп, жағдайы күннен-күнге нашарлаған: қан қысымының тұрақсыздығы пайда болды, жүктемелерге төзімділік төмендеді.
«Эхокардиографиялық зерттеуде біз шығарылу фракциясының 43%-ға дейін төмендегенін көрдік, бұл жүректің сору функциясының айқын бұзылуын көрсетеді», — дейді емдеуші кардиолог.
2022 жылы басқа клиникада коронарлық ангиография жүргізіліп, коронарлық артериялардың үш тамырлы зақымдануы, алдыңғы төмен бағытталған және айналатын артериялардың ауыр стенозы анықталған. 2025 жылы сол жерде қайта жасалған коронарография коронарлық қанмен қамтамасыз етудің сол түрін және сол жақ коронарлық артерияның бағананың стенозы — 90%, алдыңғы төмен бағытталған және айналатын артериялардың бірнеше маңызды стеноздары, сондай-ақ диагональды тармақтар сияқты ауыр бағаналы зақымдануын көрсетті. 2022 — 2025 жылдары науқасқа аортокоронарлық шунттау ұсынылған, бірақ ол операциядан үзілді-кесілді бас тартқан.
Науқас КІАҒЗИ жіберіліп, бірнеше консилиум барысында аортокоронарлық және маммарокоронарлық шунттау әдісімен миокард реваскуляризациясы қайтадан ұсынылды. Науқасқа және оның баласына стенттеудің жоғары қаупі және хирургиялық араласу қажеттілігі түсіндірілді. Бірақ науқас операциядан үзілді-кесілді бас тартты.
«Клиникалық жағдайды ескере отырып, стенттеумен коронарангиография жүргізу ұсынылды. ҒЗИ-да сол жақ коронарлық және алдыңғы төмен бағытталған артериялардың бағанасын коронарангиография және стенттеу тамырішілік ультрадыбыстық зерттеу жүргізумен жасалды. Коронарлық артерияларды бағалаудың бұл әдісі оларға іштен қарауға мүмкіндік береді. ТІУДЗ көмегімен біз артерияның диаметрін 0.1 мм дәлдікпен өлшеп, стеноздың дәрежесін дәлірек анықтай аламыз, стент пен баллондардың қолайлы мөлшерін таңдай аламыз», — дейді клиниканың интевенциялық кардиолог дәрігері Алмат Қалжанов.
Операция сәтті, асқынусыз өтті. Операциядан кейін бірден пациент ентігу мен төс сүйегінің жағындағы ауырсынудың басылғанын, жалпы жағдайының жақсарғанын атап өтті. Операциядан кейінгі ерте кезеңде де физикалық белсенділікке төзімділіктің одан әрі жақсаруы байқалды.
Осыған байланысты жүректің ишемиялық ауруын емдеу әдісін таңдауда жеке көзқарас маңызды екенін атап өткен жөн. Науқас аортокоронарлық және маммарокоронарлық шунттаудан бас тартқан жағдайда да, заманауи эндоваскулярлық технологияларды қолдану пациенттердің жағдайын және өмір сүру сапасын жақсартуға мүмкіндік береді.