«Кардиология және ішкі аурулар ғылыми-зерттеу институты» АҚ Басқарма төрағасы қызметіне Рүстем Төлеутаев тағайындалды.
«С.Ж. Асфендияров атындағы Қазақ ұлттық медицина университеті» КЕАҚ Директорлар кеңесінің отырысында осындай шешім қабылданды.
Рүстем Мұхтарұлы Төлеутаев 2006 жылы Новосібір мемлекеттік медицина университетінің емдеу факультетін үздік бітірген, 2007 жылы Новосібір облыстық ауруханасының базасында жалпы хирургия бойынша интернатураны, 2009 жылы акад. Мешалкин ат. Қан айналымы патологиясы ғылыми-зерттеу институтында жүрек — қан тамырлары хирургиясы бойынша клиникалық ординатураны аяқтады, 2013 жылы Италиядағы University of Milano-Bicocca кардиохирургия бойынша магистратураны бітірді.
2009-2015 жылдары акад. Мешалкин ат. Қан айналымы патологиясы ғылыми-зерттеу институтының жаңа хирургиялық технологиялар орталығында кардиохирург дәрігер болып жұмыс істеді. 2012-2013 жылдары Италияның Бергамо қаласындағы Papa Giovanni XXIII клиникасында кардиохирург дәрігер болды. 2015-2019 жылдары Алматы қаласында А.Сызғанов ат. Ұлттық хирургия ғылыми орталығының кардиохирургия және жүрек трансплантациясы бөлімшесінің меңгерушісі қызметін атқарды. 2019 жылдан бастап қазіргі уақытқа дейін Кардиология және ішкі аурулар ҒЗИ кардиохирургия қызметінің басшысы, жүрек қан айналымы зертханасы және операциялық блогы бар кардиохирургия бөлімшесінің меңгерушісі болып жұмыс істеді.
Медицина ғылымдарының кандидаты, PhD докторы, денсаулық сақтау магистрі, ҚР Денсаулық сақтау ісінің үздігі.
«Денсаулық сақтау ісіне қосқан үлесі үшін» төсбелгісімен, С.Ж.Асфендияров ат. ҚазҰМУ Алтын медалімен, кардиология және кардиохирургия саласындағы сіңірген еңбегі үшін Қазақстан кардиологтары қауымдастығының «Ақ жүрек» төсбелгісімен, Қазақстан трансплантологиясын дамытуға қосқан үлесі үшін елімізде алғашқы денсаулық сақтау саласындағы эндаумент-қоры белгілеген «Heart Center Foundation» естелік төсбелгісімен марапатталған.