Жүрек клапанын ауыстыру операциясынан кейін клапан протезінде тромбоздың алдын алу және қанның формалық элементтерінің бұзылуын азайту үшін қан cұйылтатын дәрілер тағайындалады.
Көбінесе антикоагулянт варфарин қолданылады. Биологиялық клапан орнатылған адамдар варфаринді 3-6 ай бойы қабылдауы керек, ал механикалық клапаны барлар препаратты үнемі қабылдауы керек.
«2021 жылғы Еуропалық ұсынымдар бойынша жүректің клапан ауруы бар науқастарды бақылау бойынша, клапанның механикалық протезі кезінде клапан тромбозы мен тромбоэмболияның ұзақ мерзімді профилактикасы механикалық протез имплантациясынан кейін тиімді антитромботикалық емдеуді және тромбоэмболияның қауіп факторларын өзгертуді қамтиды», — дейді Кардиология және ішкі аурулар ҒЗИ кардиология және оңалту бөлімшесінің кардиолог дәрігері Талшын Қалиолдаева.
Клапандардың биологиялық протезі кезінде варфаринді клапан патологиясы бар барлық науқастарда 3 айдан 6 айға дейін қарастыру керек, дейді дәрігер.
Қан сұйылтатын дәрілердің ерекшеліктері:
— жүректің механикалық клапандары бар науқастар қандағы заттардың қажетті концентрациясын сақтау үшін варфаринді өмір бойы қабылдауы керек.
— қандағы варфарин деңгейін жеткіліксіз концентрацияны (тромбоз қаупі) және артық концентрацияны (қан кету қаупі) болдырмау үшін үнемі бақылау қажет.
— варфарин басқа дәрі-дәрмектермен өзара әрекеттесуі мүмкін, сондықтан дәрігерге барлық дәрі-дәрмектер туралы хабарлау маңызды.
— варфарин қабылдайтын науқастар алкогольді ішуден, темекі шегуден аулақ болу керек, сонымен қатар белгілі бір диеталық ережелерді сақтау керек.
— альтернативті антикоагулянттар бар, олар кейбір жағдайларда қарастырылуы мүмкін, мысалы, клапанды биологиялыққа ауыстыру операциясынан кейін.
Варфаринді үнемі қабылдау және оның қандағы деңгейін үнемі бақылау — операциядан кейінгі емдеу мен денсаулықты сақтаудың маңызды аспектілері.