24-25 сәуірде Кардиология және ішкі аурулар ғылыми-зерттеу институтында жүрек-қан тамырлары хирургиясы саласындағы жетекші сарапшы, Каролинск институтының (Стокгольм, Швеция) профессоры Наузад Салехтің жетекшілігімен шеберлік класы өтті, оның барысында 7 пациентке қолқа қақпақшасын эндоваскулярлық ауыстыру бойынша күрделі операциялар жасалды. Мұндай аз инвазивті хирургиялық араласулар ашық операциялар жасауға болмайтын ауыр жүрек қан тамырлары аурулары бар науқастарға жасалады.
Науқастардың бірі - 87 жастағы Михаил Федорович, қолқа қақпақшасының ауыр стенозына шалдыққан. Оны жүрек тұсындағы ауырсыну, тыныштықта да пайда болатын жүрек соғысы, ентігу, бас ауруы мазалаған. Ол 1 жыл бұрын ентігу күшейген кезде диагнозын білген. Кардиология және ішкі аурулар ғылыми-зерттеу институтына еліміздегі жетекші интервенциялық кардиолог Алексей Колесниковқа жүгіну ұсынылған. Операция сәтті өтті.
Жоғары технологиялы медицинаның арқасында Михаил Федорович сияқты күрделі жүрек патологиясы бар пациенттер өмір сүруге мүмкіндік алады және операциядан кейін қысқа мерзімде қалпына келеді.
«Кардиология және ішкі аурулар ҒЗИ Алматыда қолқа қақпақшасын эндоваскулярлық имплантациялау бойынша жоғары технологиялы операцияны дамытудың басында тұр. TAVI - ең қымбат операциялардың бірі, бірақ пациенттер үшін тегін. Біз халыққа жоғары білікті кардиохирургиялық көмек көрсетуді жақсарту бойынша үздіксіз жұмыс жүргізудеміз. Клиниканың интервенциялық кардиологтарының жоғары кәсіби шеберлігі ең күрделі операцияларды жасауға мүмкіндік береді», - деп бөлісті Басқарма төрағасы Марат Пашимов.
Институттың рентгенендоваскулярлық блог меңгерушісі Алексей Колесниковтың айтуынша, барлық манипуляциялар қан тамырына енгізілген катетер арқылы жүзеге асырылады. Митральды қақпақшаға операция жасау жүрек қақпақшасы мен жүректің жұмысын қалпына келтіруге, ентігу, шаршау, жүрек ырғағының бұзылуы, аяқтың ісінуі сияқты белгілерді азайтуға және науқастардың өмірін ұзартуға көмектеседі. Мұндай операциялар көптеген адам өмірін сақтап қалады.
Профессор Салех клиниканың интервенциялық кардиологтарымен өз білімі мен тәжірибесімен бөлісті, бұл қолқа қақпақшасын ауыстыруды қажет ететін пациенттерге медициналық көмек көрсету деңгейін айтарлықтай арттыруға мүмкіндік береді. Ол институт мамандарының жоғары біліктілігін, барлығы өз ісін жақсы біледі деп атап өтті.
Бұл ынтымақтастық және екі елдің жетекші мекемелері арасында тәжірибе алмасу пациенттерге заманауи технологиялар мен емдеу әдістеріне қол жеткізуді қамтамасыз ете отырып, жүректің құрылымдық ауруларын емдеуде жаңа мүмкіндіктер ашады.