Сіздерді даңқ пен ерліктің мерекесі - Отан қорғаушылар күні және Ұлы Жеңіс күнімен шын жүректен құттықтаймын! Жеңіс Күні – жанқияр ерліктің, еңселі елдіктің рухы өрлеген күн.
Екі мереке өзара тығыз байланысты. Отан үшін отқа түскен қаһармандарымыздың батырлығы мен батылдығы адамзат тарихындағы ең сұрапыл соғысты жеңіп шығуға көмектесті. Бүгінгі ұрпақ аға буын - ардагерлер танытқан қайсарлықтан үлгі алып, бой түзейді. Бұл күн тарихымыздың мәңгілік ұмытылмас парағы болып қала бермек.
Ардагерлерімізге денсаулық пен ұзақ ғұмыр, әскери қызметкерлерге – еліміздің қорғаныс қабілетін нығайтуда мол табыстарға жете берулеріне тілектеспін. Шаңырақтарыңызға шаттық пен бақыт тілеймін.
Жеңіс күні құтты болсын!
Құрметпен,
Кардиология және ішкі аурулар ҒЗИ
Басқарма Төрағасы Марат Пашимов