Дәрігер гликирленген гемоглобин деңгейі 10 пайыздан төмен болған жағдайда ғана жүкті болуға кеңес береді.
ДДСҰ мәліметінше, 1980-2014 жылдары арасында қант диабетімен ауыратындар саны 108 миллионнан 422 миллион адамға дейін өсті. Ал 2000-2019 жылдары қант диабетінен көз жұмғандар саны 3 пайызға көбейді. Табысы орташа елдерде бұл көрсеткіш 13% артқан. Аталған аурудың белгісі бірден білінбей асқынатын болса да, отандық дәрігерлер оны толығымен емдеп-жазуға болатынын айтады. Кардиология және ішкі аурулар ҒЗИ №1 терапия бөлімшесінің эндокринолог дәрігері Балнұр Сұлтанова қант диабетімен ауыратын әйелдерге жүктілікке дайындалар кезде нені ескеру керегін түсіндірді.